UNKAHIN BAATEIN

Jab khud ki duniya khaali si lagti hai,

Tab Teri muskan usmein rang bhar deti hai,

nunhe kadam badhate meri oar,

Mere hosle buland kar deti hai.

Tujhe dekh kar apna Bachpan fir se jee leti hoon,

Teri maa ko dekh kar, apni maa Ko dhundh leti hoon.

Jab bhi hote khud se Kayi sawal,

Teri tasveeron main har jawab dhundh leti hoon

Kahane ko Masi Hoon Teri,

Per bilkul maa sa pyar Karti hoon.

-KALAMSEHEJKI